சமீபத்திய பதிவுகள்

போலந்து அதிபர், அமைச்சர், ராணுவ தளபதி உட்பட விமான விபத்தில் 132 பேர் பலி

>> Saturday, April 10, 2010

 

Tamil news paper, Tamil daily news paper, Tamil news, Tamil movie news, Tamil news paper online, political news, business news, financial news, sports news, today news, India news, world news, daily news update

மாஸ்கோ: ரஷ்யாவில் விமானம் விழுந்து நொறுங்கியதில் போலந்து அதிபர், அவரது மனைவி உட்பட 132 பேர் பலியானார்கள். இந்த விபத்தால் போலந்து மக்கள் ஆழ்ந்த துக்கத்தில் மூழ்கியுள்ளனர். 
இரண்டாவது உலகப்போரின்போது போலந்து நாட்டு ராணுவ வீரர்கள் 20 ஆயிரம் பேர், ரஷ்யாவில் உள்ள கேட்வின் நகரில் சோவியத் வீரர்களால் கொல்லப்பட்டனர். 70 ஆண்டுகளுக்கு முன்பு இறந்த இந்த ராணுவ வீரர்களுக்கு அஞ்சலி செலுத்த போலந்து அதிபர் லெக் காசென்ஸ்கி (59) முடிவு செய்தார். இதற்காக அவர் தலைமையிலான போலந்து குழு நேற்று தலைநகர் வார்சாவில் இருந்து டி.யூ.&154 ரக தனி விமானத்தில் ரஷ்யா புறப்பட்டனர். அதிபரின் மனைவி மரியா, ராணுவ தலைமை தளபதி, வெளியுறவுத் துறை துணை அமைச்சர் க்ரீமர், போலந்து அரசு மத்திய வங்கி கவர்னர், அதிகாரிகள் உட்பட மொத்தம் 132 பேர் விமானத்தில் இருந்தனர்.
கடும் பனிமூட்டம்: ரஷ்யாவில் உள்ள ஸ்மோலென்ஸ்க் விமான நிலையத்தில் அந்த விமானம் தரை இறங்க வேண்டும். அங்கு கடும் பனிமூட்டம் இருந்ததால் மாஸ்கோ அல்லது பெலாரஸ் தலைநகர் மின்ஸ்க் நகரில் விமானத்தை தரை இறக்க விமானியை ஸ்மோலென்ஸ்க் விமான கட்டுப்பாட்டு அறை அதிகாரிகள் கேட்டுக் கொண்டனர். அதற்கு விமானி மறுத்துவிட்டார்.  இதனால், ஸ்மோலென்ஸ்க் விமான நிலையத்தில் தரையிறக்க அனுமதி வழங்கப்பட்டது.
மரங்களில் மோதல்:விமானத்தை தரையிறக்க 3 முறை செய்த முயற்சி தோல்வியில் முடிந்தது. 4வது முறையாக இந்திய நேரப்படி மதியம் 12.30 மணிக்கு விமானத்தை தரையிறக்க விமானி முயன்றார். அப்போது, தாழ்வாக பறந்த விமானம் மரங்களின் உச்சியில் உள்ள கிளைகள் மீது உரசியது. இதில் நிலை தடுமாறிய விமானம் கீழே விழுந்து நொறுங்கி தீப்பிடித்தது. விமான நிலையத்தில் இருந்து 300 மீட்டர் தூரத்தில் விமானம் நொறுங்கிக் கிடந்தது. 
கருகிய உடல்கள்: உடனடியாக மீட்பு குழுவினர் விரைந்து சென்று மீட்பு பணிகளில் ஈடுபட்டனர். கொழுந்துவிட்டு எரிந்த தீயை அணைத்த பிறகு, விமானப் பயணிகளை காப்பாற்றும் முயற்சியில் இறங்கினர். ஆனால், விமானப் பயணிகளில் ஒருவர் கூட உயிர் பிழைக்கவில்லை. அதிபர் காசென்ஸ்கி, அவரது மனைவி மரியா, ராணுவ தலைமை தளபதி உட்பட 132 பயணிகளும் பலியாகிவிட்டதாக ரஷ்ய போலீசார் அறிவித்தனர்.
விமானம் விழுந்து நொறுங்கிய இடத்தில் மனித உடல்கள் கருகி சிதைந்து கிடந்தன. விமானத்தின் பெரும்பாலான பகுதிகள் தீயில் கருகி நாசமடைந்தன. சுமார் ஒரு கி.மீ. சுற்றளவுக்கு விமானத்தின் பாகங்கள் சிதறி பரவி கிடந்தன.


sourcedinakaran



--
www.thamilislam.co.cc

StumbleUpon.com Read more...

பெங்களூரு அணி அசத்தல் வெற்றி: கோல்கட்டா அணி பரிதாபம்



 

 

பெங்களூரு: கோல்கட்டா அணிக்கு எதிரான ஐ.பி.எல்., லீக் போட்டியில் டிராவிட், உத்தப்பா அரைசதமடித்து தூள் கிளப்ப, பெங்களூரு அணி 7 விக்கெட் வித்தியாசத்தில் அசத்தல் வெற்றி பெற்றது. பந்துவீச்சில் சோபிக்கத்தவறிய கோல்கட்டா அணி, தோல்வியடைந்து ஏமாற்றியது.
மூன்றாவது ஐ.பி.எல்., "டுவென்டி-20' கிரிக்கெட் தொடர் இந்தியாவில் நடக்கிறது. நேற்று, தொடரின் 43வது லீக் போட்டி பெங்களூரு சின்னசாமி மைதானத்தில் நடந்தது. இதில் கும்ளே தலைமையிலான பெங்களூரு ராயல் சாலஞ்சர்ஸ், கங்குலியின் கோல்கட்டா நைட்ரைடர்ஸ் அணிகள் மோதின.
மீண்டும் இஷாந்த்:
கோல்கட்டா அணியில் இக்பால் அப்துல்லா நீக்கப்பட்டு, இஷாந்த் சர்மா மீண்டும் வாய்ப்பு பெற்றார். பெங்களூரு அணியில் மனீஷ் பாண்டேவுக்கு பதிலாக ஸ்ரீதரன் ஸ்ரீராம் இடம் பிடித்தார். "டாஸ்' வென்ற பெங்களூரு அணி கேப்டன் கும்ளே, "பீல்டிங்' தேர்வு செய்தார்.
மெக்கலம் நம்பிக்கை:
முதலில் பேட்டிங் செய்த கோல்கட்டா அணிக்கு கேப்டன் கங்குலி, கெய்ல் ஜோடி சூப்பர் துவக்கம் அளித்தது. அதிரடியாக ஆடிய கெய்ல் 15 பந்தில் 34 ரன்கள் (ஒரு சிக்சர், 6 பவுண்டரி) எடுத்து அவுட்டானார். பின்னர் இணைந்த கங்குலி, பிரண்டன் மெக்கலம் ஜோடி பொறுப்பாக ஆடியது. இந்த ஜோடி 2வது விக்கெட்டுக்கு 51 ரன்கள் சேர்த்த போது கங்குலி (33) வெளியேறினார். அடுத்து வந்த மனோஜ் திவாரி (0), மாத்யூஸ் (1) சோபிக்கவில்லை. மறுமுனையில் அபாரமாக ஆடிய மெக்கலம் (45) நம்பிக்கை அளித்தார். பின்னர் களமிறங்கிய விரிதிமன் சகா (13), புஜாரா (16) சொற்ப ரன்களில் வெளியேறினர். மற்ற வீரர்கள் ஏமாற்ற, கோல்கட்டா அணி 20 ஓவரில் 9 விக்கெட்டுக்கு 160 ரன்கள் எடுத்தது. பெங்களூரு அணி சார்பில் வினய் குமார் 3, காலிஸ் 2 விக்கெட் வீழ்த்தினர்.
டிராவிட் அபாரம்:
எட்டக்கூடிய இலக்கை விரட்டிய பெங்களூரு அணிக்கு, காலிஸ் (8) மோசமான துவக்கம் அளித்தார். பின்னர் இணைந்த ஸ்ரீராம், டிராவிட் ஜோடி நிதானமாக ரன்கள் சேர்த்தது. இந்த ஜோடி 2வது விக்கெட்டுக்கு 72 ரன்கள் சேர்த்த போது, ஸ்ரீராம் (27) அவுட்டானார். மறுமுனையில் அதிரடி காட்டிய டிராவிட், அரைசதமடித்து அசத்தினார். அபாரமாக ஆடிய இவர் 35 பந்தில் 52 ரன்கள் (2 சிக்சர், 5 பவுண்டரி) எடுத்து வெளியேறினார்.
உத்தப்பா அதிரடி:
பின்னர் ரோஸ் டெய்லருடன் இணைந்த ராபின் உத்தப்பா அதிரடி ஆட்டத்தை வெளிப்படுத்தினார். கடைசிவரை அவுட்டாகாமல் 22 பந்தில் 52 ரன்கள் (5 சிக்சர், 3 பவுண்டரி) குவித்த உத்தப்பா, ரோஸ் டெய்லர் (14) அணியை வெற்றிக்கு அழைத்து சென்றனர். பெங்களூரு அணி 17.1 ஓவரில் 3 விக்கெட் இழப்புக்கு 164 ரன்கள் எடுத்து, 7 விக்கெட் வித்தியாசத்தில் வெற்றி பெற்றது. இதன்மூலம் இத்தொடரின் 4வது லீக் போட்டியில் கோல்கட்டா அணிக்கு எதிராக கண்ட தோல்விக்கு பதிலடி கொடுத்து, அரையிறுதி வாய்ப்பை பிரகாசப்படுத்திக் கொண்டது. ஆட்ட நாயகனாக பெங்களூரு அணியின் வினய் குமார் தேர்வு செய்யப்பட்டார்.

வினய் துல்லியம்
நேற்று, துல்லியமாக பந்துவீசிய பெங்களூரு அணியின் வினய் குமார் 3 விக்கெட் வீழ்த்தினார். இதன்மூலம் இத்தொடரில் அதிக விக்கெட் வீழ்த்தியவர்கள் வரிசையில், 2வது இடத்தை டில்லி அணியின் அமித் மிஸ்ராவுடன் பகிர்ந்து கொண்டார். இவர்கள் இருவரும் தலா 14 விக்கெட் வீழ்த்தியுள்ளனர். முதலிடத்தில் டெக்கான் அணியின் பிரக்யான் ஓஜா (16 விக்.,) உள்ளார்.
காலிஸ் "500'
மூன்றாவது ஐ.பி.எல்., தொடரில் 500 ரன்களை கடந்த முதல் வீரர் என்ற சாதனை படைத்தார் பெங்களூரு அணியின் காலிஸ். நேற்று இவர், தனது 7வது ரன்னை கடந்த போது இச்சாதனை நிகழ்த்தினார். இதுவரை 11 போட்டியில் விளையாடிய காலிஸ், 6 அரைசதம் உட்பட 501 ரன்கள் எடுத்துள்ளார்.
கங்குலி அபாரம்
நேற்று, 33 ரன்கள் எடுத்து கோல்கட்டா அணி கேப்டன் கங்குலி, இத்தொடரில் அதிக ரன்கள் சேர்த்த வீரர்கள் வரிசையில் 3வது இடத்துக்கு முன்னேறினார். இதுவரை இவர் 11 போட்டியில் விளையாடி 366 ரன்கள் எடுத்துள்ளார். முதலிரண்டு இடத்தில் பெங்களூரு அணியின் காலிஸ் (501 ரன்), மும்பை அணியின் சச்சின் (423 ரன்) உள்ளனர்.
பீல்டிங் சொதப்பல்
நேற்று, கோல்கட்டா அணியின் பீல்டிங் படுமந்தமாக இருந்தது. ஆட்டத்தின் முதல் ஓவரில், காலிஸ் கொடுத்த சுலப கேட்சை, கங்குலி கோட்டைவிட்டார். ஆட்டத்தின் 3வது ஒவரில், மீண்டும் காலிஸ் கொடுத்த கேட்சை புஜாரா நழுவவிட்டார். ஆட்டத்தின் 10வது ஓவரில் ஸ்ரீராம் கொடுத்த கேட்சை, அகார்கர் கோட்டைவிட்டார்.
ஸ்கோர் போர்டு
கோல்கட்டா நைட்ரைடர்ஸ்
கங்குலி (கே)கும்ளே (ப)வினய்    33(32)
கெய்ல் (கே)டிராவிட் (ப)காலிஸ்    34(15)
மெக்கலம் (கே)வினய் (ப)கும்ளே    45(36)
திவாரி (கே)ஒயிட் (ப)காலிஸ்    0(2)
மாத்யூஸ் (கே)டெய்லர் (ப)வினய்    1(2)
சகா (கே)வினய் (ப)ஸ்டைன்    13(15)
புஜாரா -ரன் அவுட்-(உத்தப்பா/காலிஸ்)    16(8)
அகார்கர் -அவுட் இல்லை-    6(6)
டிண்டா -ரன் அவுட்-(உத்தப்பா)    0(1)
இஷாந்த் (கே)உத்தப்பா (ப)வினய்    0(2)
மெண்டிஸ் -அவுட் இல்லை-    1(1)
உதிரிகள்    11
மொத்தம் (20 ஓவரில், 9 விக்.,)    160
விக்கெட் வீழ்ச்சி: 1-52(கெய்ல்), 2-103(கங்குலி), 3-103(திவாரி), 4-105(மாத்யூஸ்), 5-134(மெக்கலம்), 6-137(சகா), 7-155(புஜாரா), 8-155(டிண்டா), 9-155(இஷாந்த்).
பந்துவீச்சு: பிரவீண் 3-0-37-0, ஸ்டைன் 4-0-27-1, காலிஸ் 4-0-31-2, கும்ளே 4-0-17-1, ஸ்ரீராம் 2-0-24-0, வினய் 3-0-23-3.
பெங்களூரு ராயல் சாலஞ்சர்ஸ்
ஸ்ரீராம் (ப)டிண்டா    27(29)
காலிஸ் (கே)கெய்ல் (ப)டிண்டா    8(11)
டிராவிட் (கே)அகார்கர் (ப)மாத்யூஸ்    52(35)
உத்தப்பா -அவுட் இல்லை-    52(22)
டெய்லர் -அவுட் இல்லை-    14(6)
உதிரிகள்    11
மொத்தம் (17.1 ஓவரில் 3 விக்.,)    164
விக்கெட் வீழ்ச்சி: 1-11(காலிஸ்), 2-83(ஸ்ரீராம்), 3-102(டிராவிட்).
பந்துவீச்சு: டிண்டா 3.1-0-15-2, இஷாந்த் 4-0-46-0, அகார்கர் 3-0-29-0, மாத்யூஸ் 3-0-25-1, மெண்டிஸ் 4-0-46-0.
புள்ளிப்பட்டியல்
கோல்கட்டா அணிக்கு எதிரான போட்டியில் வெற்றி கண்ட பெங்களூரு அணி, புள்ளிப்பட்டியலில் இரண்டாவது இடத்துக்கு முன்னேறியது.
அணி    போட்டி    வெற்றி    தோல்வி    புள்ளி    ரன்ரேட்
மும்பை    10    7    3    14    +0.958
பெங்களூரு    11    6    5    12    +0.453
டில்லி    10    6    4    12    +0.287
ராஜஸ்தான்    11    6    5    12    -0.139
சென்னை    11    5    6    10    +0.107
கோல்கட்டா    11    5    6    10    --0.426
டெக்கான்    11    5    6    10    -0.539
பஞ்சாப்    11    3    8    6    -0.589
* கோல்கட்டா-பெங்களூரு இடையிலான போட்டி வரை.


source:dinamalar
--
www.thamilislam.co.cc

StumbleUpon.com Read more...
Related Posts with Thumbnails

Enter a long URL to make tiny:

தெரிவு செய்க thaminglish Bamini amudham Tam @Suratha Yarlvanan,Germany

  © Blogger templates Shiny by Ourblogtemplates.com 2008

Back to TOP