சமீபத்திய பதிவுகள்

கவுனை கழற்றி எறிந்தார் ஜெய்ராம் ரமேஷ்

>> Friday, April 2, 2010


 
 

Top world news stories and headlines detail 

போபால் : பட்டமளிப்பு விழாவின் போது அணியப்படும் கவுன், காலனி ஆதிக்கத்தின் காட்டுமிராண்டி தனமான நடவடிக்கை என, மத்திய சுற்றுச்சூழல் துறை அமைச்சர் ஜெய்ராம் ரமேஷ் தெரிவித்துள்ளார். மத்திய பிரதேசத்தின் போபால் நகரில் இந்திய வன மேலாண்மை கல்வி நிறுவன பட்டமளிப்பு விழாவில் மத்திய வனம் மற்றும் சுற்றுச்சூழல் துறை அமைச்சர் ஜெய்ராம் ரமேஷ் கலந்து கொண்டார். விழாவில் பேசிய அவர், 'நம் நாடு சுதந்திரம் அடைந்து 60 ஆண்டுகளுக்கு மேலாகி விட்டது. இன்னும் காலனி ஆதிக்கத்தின் காட்டு மிராண்டி வழக்கமான பட்டமளிப்பு விழா கவுன் (ஆடை) அணிவது தொடர்கிறது. எதற்காக கால்வரையிலான அலங்கார ஆடை அணிய வேண்டும்? பட்டமளிப்பு விழாவின் போது எளிமையான உடை அணியலாமே' என்றார். மத்திய அமைச்சரின் இந்த பேச்சு அங்கு பட்டமளிப்பு விழா கவுனுடன் வந்தவர்களுக்கு சிறிது தர்ம சங்கடத்தை ஏற்படுத்தியது. இதைப் பொருட்படுத்தாது தான் அணிந்திருந்த கவுனை கழற்றி விட்டு வெள்ளை ஜிப்பா, குர்தாவுடனேயே பட்டமளிப்பு விழாவில் கலந்து கொண்டார் ரமேஷ்


source:dinamaalr

--
www.thamilislam.co.cc

StumbleUpon.com Read more...

ஆபீஸ் 2010 - பீட்டா டவுண்லோட்


 

பல வாசகர்கள் புதியதாக மைக்ரோசாப்ட் தர இருக்கும் எம்.எஸ். ஆபீஸ் 2010 சோதனைத் தொகுப்பினை டவுண்லோட் செய்வதில் ஆர்வம் காட்டுகின்றனர். சோதனைத் தொகுப்பு கிடைக்கும் தள முகவரி, அதனை இன்ஸ்டால் செய்திட வேண்டுமானால் கம்ப்யூட்டர் கான்பிகரேஷன் எப்படி இருக்க வேண்டும் மற்றும் அதில் என்னவெல்லாம் இருக்கின்றன என்று விலாவாரியாக சிவகாசி வாசகி ஒருவர் கேட்டுள்ளார். அனைவருக்குமான தகவல்கள் கீழே தரப்பட்டுள்ளன.
மைக்ரோசாப்ட் நிறுவனத்தின் அடுத்த மெகா வெளியீடு எம்.எஸ். ஆபீஸ் 2010 ஆகத்தான் இருக்கும். அதன் சோதனைத் தொகுப்பு சில வாரங்களுக்கு முன் வெளியிடப்பட்டு லட்சக்கணக்கான பேரால் டவுண்லோட் செய்யப்பட்டு பயன்படுத்தப்பட்டு வருகின்றன. குறைகள் குறித்து உலகெங்கும் இருந்து பல வாடிக்கையாளர்கள் தகவல்களை அளித்து வருவதாகவும் மைக்ரோசாப்ட் அறிவித்துள்ளது.
இதன் சோதனைத் தொகுப்பு, சென்ற இதழில் தந்தபடி,  http://www.microsoft. com/office/2010/en/downloadofficeprofessionalplus/default.aspx என்ற முகவரி யில் கிடைக்கிறது.
இங்கு உங்கள் லைவ் அல்லது ஹாட் மெயில் அக்கவுண்ட் மூலம் சென்று பெறலாம். இதனை ஐ.எஸ்.ஓ. பைலாக டவுண்லோட் செய்து கொள்ளலாம். பைல் அளவு 684 எம்பி.(32பிட்) 750 எம்பி (64 பிட்). அதன்பின் இன்ஸ்டால் செய்து வரும் 31 அக்டோபர் 2010 வரை பயன்படுத்தலாம். அதன்பின் இந்த சோதனைத் தொகுப்பு இயங்காது. இயக்கம் நிறுத்தப்படுவதற்கு முன் எச்சரிக்கை செய்தி தரப்படும் என மைக்ரோசாப்ட் அறிவித்துள்ளது. 
முதன் முதலாக 32 மற்றும் 64 பிட்களில் தரப்படும் ஆபீஸ் தொகுப்பு இதுதான். உங்கள் சிஸ்டத்திற்கு உகந்தது எது என்று முடிவு செய்து அதனை டவுண்லோட் செய்திடவும். குறிப்பாக விண்டோஸ் 7 வைத்திருப்பவர்கள், சரியாக இதனைக் கையாள வேண்டும். தங்களிடம் உள்ள சிஸ்டம் எந்த வகை என்று அறிய ஸ்டார்ட், கண்ட்ரோல் பேனல் மற்றும் சிஸ்டம் மெயின்டனன்ஸ் சென்று பார்க்க வேண்டும். இதில் சிஸ்டம் என்பதனைக் கிளிக் செய்தால், உங்களிடம் உள்ள விண்டோஸ் 7, எத்தனை பிட் வகையைச் சார்ந்தது என்று தெரியவரும். அதற்கேற்ற ஆபீஸ் பீட்டா தொகுப்பை இறக்கிக் கொள்ளலாம். 
தற்போதைக்கு ஆபீஸ் புரபஷனல் ப்ளஸ் மட்டுமே கிடைக்கிறது. ஆபீஸ் புரபஷனல், மற்றும் ஹோம் அண்ட் பிசினஸ் தொகுப்புகள் பின் நாளில் கிடைக்கலாம். இதனை இன்ஸ்டால் செய்வதற்கான ப்ராடக்ட் கீ முதலிலேயே தரப்படுகிறது. 25 எண்கள் அடங்கிய கீ, இன்ஸ்டால் செய்த பின் 30 நாட்களுக்குப் பின் பயன்படுத்த வேண்டும் என்றால் மட்டுமே தேவை. இந்த கீ, சோதனைத் தொகுப்பை ஆக்டிவேட் செய்வதற்கு மட்டுமே பயன்படுத்த முடியும். பின் நாளில் ஒரிஜினல் விற்பனைத் தொகுப்பிற்குப் பயன்படுத்த முடியாது. 
மைக்ரோசாப்ட் ஆபீஸ் புரபஷனல் ப்ளஸ் என்ற இதனை டவுண்லோட் செய்து இயக்கினால், புதிய வழிகளில் இது என்னவெல்லாம் வசதிகளைத் தருகிறது என்று அனுபவப்படலாம். இதில் வேர்ட், ஒன் நோட், இன்போ பாத், பவர்பாய்ண்ட், அக்செஸ், ஷேர் பாய்ண்ட் ஒர்க்ஸ்பேஸ், அவுட்லுக், பப்ளிஷர், கம்யூனிகேடர், எக்ஸெல் ஆகியவை உள்ளன. 
இது இறுதியாக வடிவமைக்கப்படுவதற்கு முன்னதான சோதனைத் தொகுப்பு என்பதால், இதனை டவுண்லோட் செய்து பயன்படுத்துவதில் உள்ள சிக்கல்களை அறிந்து கொள்வது நல்லது. நாம் என்ன என்ன முன் எச்சரிக்கை நடவடிக்கைகளை மேற்கொள்ள வேண்டும் எனவும் தெரிந்து கொள்ளலாம்.
1. முதலில் நீங்கள் முதன்மையானது என்று கருதும் அலுவலக அல்லது வீட்டில் வைத்துப் பயன்படுத்தப் படும் பெர்சனல் கம்ப்யூட்டரில் இதனை இன்ஸ்டால் செய்து பயன்படுத்த வேண்டாம். இரண்டாவதாக, உபரியாக உள்ள, அதிக முக்கியத்துவம் இல்லாத டேட்டா உள்ள கம்ப்யூட்டரில் பயன்படுத்தவும். 
2. பயன்படுத்த இருக்கும் கம்ப்யூட்டரில் ஏற்கனவே ஆபீஸ் தொகுப்பு இருந்தால், அதனை அன் இன்ஸ்டால் செய்துவிடவும். 
3. இன்ஸ்டால் செய்திடும் முன், மைக்ரோசாப்ட் வெளியிட்டுள்ள ரிலீஸ் நோட்ஸ் என்னும் தகவல் குறிப்பைப் படித்துத் தெரிந்து கொள்ளவும். இதனை http://go.microsoft.com/fwlink/?LinkID= 163393&clcid=0x409 என்ற முகவரியில் உள்ள இணைய தளத்தில் தெரிந்து கொள்ளலாம்.
4. இந்த ஆபீஸ் தொகுப்பு குறித்த தகவல்களை மற்றவர்களுடனும் பகிர்ந்து கொள்ள விரும்பினால், அதற்கென உள்ள அமைப்புகளில் சேர்ந்து பயன்பெறலாம். அப்படி ஒரு அமைப்பினைhttp://social.technet. microsoft.com/Forums/en/office 2010general/threads  என்ற முகவரியில் காணலாம். இன்னொரு அமைப்பு http://blogs.technet. com/office20 10/ என்ற முகவரியிலும் கிடைக்கிறது.
5. இன்ஸ்டால் செய்த பின், விண்டோஸ் அப்டேட் இயக்கப்பட்டு அப்டேட் செய்யப்படுவதனை உறுதி செய்து கொள்ளவும்


source:dinamalar

--
www.thamilislam.co.cc

StumbleUpon.com Read more...

எல்லா முஸ்லீகளும் தீவிரவாதிகள் அல்ல-கலீலின் கதை







source:unmaiadiyaan

StumbleUpon.com Read more...

விக்கிபீடியா நிறுவனத்துடன் இணைந்து தமிழ் தகவல் பக்கங்கள் திரட்டும் போட்டி

 

 

General India news in detail 

சென்னை : உலகத் தமிழ் இணைய மாநாட்டை முன்னிட்டு, தமிழக அரசு மற்றும் தமிழ் விக்கிபீடியா சார்பில், கல்லூரி மாணவர்களுக்கான, விக்கிபீடியா தமிழ் தகவல் பக்கங்கள் போட்டி நடத்தப்படுகிறது.


உலகத் தமிழ் இணைய மாநாடு குறித்த கலந்தாய்வுக் கூட்டம், தலைமைச் செயலகத்தில் நேற்று நடந்தது. இக்கூட்டத்தில் தகவல் தொழில்நுட்பத் துறை அமைச்சர் பூங்கோதை, அண்ணா பல்கலைக்கழக முன்னாள் துணைவேந்தர் அனந்தகிருஷ்ணன், ராஜ்யசபா எம்.பி., கனிமொழி, தகவல் தொழில்நுட்பத் துறை செயலர் தேவிதார், 'எல்காட்' மேலாண் இயக்குனர் சந்தோஷ் பாபு உள்ளிட்ட பலர் கலந்து கொண்டனர். கூட்டத்திற்கு பின், நிருபர்களுக்கு பேட்டியளித்த முன்னாள் துணைவேந்தர் அனந்தகிருஷ்ணன் கூறியதாவது: உலகத் தமிழ் இணைய மாநாட்டிற்காக, பள்ளி மாணவர்களுக்கு நடத்தப்பட்ட போட்டியைத் தொடர்ந்து, தற்போது கல்லூரி மாணவர்களுக்கும் போட்டி நடத்தப்படவுள்ளது. விக்கிபீடியா இணையதளத்தில், உலகில் உள்ள அனைத்து துறைகள் பற்றிய தகவல்களும் உள்ளன.


இந்த இணையதளத்தில், 32 லட்சம் பக்கங்கள் பதிவு செய்யப்பட்டுள்ளன. ஆனால், தமிழ் மொழியில் 22 ஆயிரம் பக்கங்கள் மட்டுமே உள்ளன. இந்திய மொழிகளில், இந்தி 68 ஆயிரம் பக்கங்களுடன் முதல் இடத்திலும், தெலுங்கு 44 ஆயிரம் பக்கங்களுடன் இரண்டாம் இடத்திலும் உள்ளன. தமிழ் உலகளவில் 68வது இடத்திலும், இந்திய அளவில் மூன்றாம் இடத்திலும் உள்ளது.


தமிழ் மொழியிலுள்ள பல அரிய தகவல்களை, இந்த இணையதளத்தில் பதிவு செய்ய வேண்டும். அதற்காக தமிழக அரசும், விக்கிபீடியா இணையதளமும் இணைந்து கல்லூரி மாணவர்களுக்கு, விக்கிபீடியா தமிழ் தகவல் பக்கங்கள் போட்டியை நடத்துகிறது.'www.tamilint2010.tn.gov.in' இணையதளம் மூலம் மாணவர்கள் இப்போட்டியில் கலந்து கொள்ளலாம். கலை, அறிவியல், பொறியியல், மருத்துவம், விளையாட்டு, வேளாண்மை, சட்டம், பிசியோதெரபி, சித்த மருத்துவம், பல் மருத்துவம், செவிலியர், கால்நடை மருத்துவம், பல் தொழில்நுட்பப் பயிலகம் ஆகிய 13 துறைகளில் போட்டி நடக்கிறது. இப்போட்டியில், பங்கேற்க ஏப்ரல் 30ம் தேதிக்குள், தகவல் பக்கங்களை அனுப்ப வேண்டும்.


தகவல் பக்கங்கள் ஆதாரங்களின் அடிப்படையில், இனம், சமயம், அரசியல், தனிநபர் குறை, வேறுபாடுகள் தொடர்பாக வெறுப்பை தூண்டாத வகையில் அமைய வேண்டும். இப்பக்கங்கள் 250 முதல் 500 சொற்கள் கொண்டதாக, 'யுனிகோட்' முறையில் அமைய வேண்டும். இதில் சிறந்த பக்கங்கள் தேர்வு செய்யப் பட்டு, பரிசு வழங்கப்படுவதுடன், தேர்வாகும் பக்கங்கள் விக்கிபீடியா இணையதளத்திலும் வெளியிடப்படும். தமிழகத்திலுள்ள மூன்றாயிரம் கல்லூரிகளிலிருந்து, 50 ஆயிரம் தகவல் பக்கங்கள் வரும் என எதிர்பார்க்கிறோம். எதிர்காலத்தில், ஆண்டுதோறும் இத்தகைய போட்டிகள் நடத்துவது குறித்து பரிசீலித்து வருகிறோம். உலகம் முழுவதும் உள்ள தமிழ் பேசுபவர்கள் இப்போட்டியில் பங்கேற்கலாம். இவ்வாறு அனந்த கிருஷ்ணன் கூறினார்.


அரசு அலுவலகத்தில், 2 மாதத்தில் தமிழ் 'யுனிகோட்' எழுத்துரு: தகவல் தொழில்நுட்பத் துறை செயலர் தேவிதார் கூறும்போது, ''அரசு அலுவலகங்களில், கம்ப்யூட்டர் பயன்பாட்டில் பல்வேறு தமிழ் எழுத்துருக்கள் பயன்படுத்தப்படுவதால் ஏற்படும் பிரச்னைக்கு தீர்வு காண, ஏழு பேர் கொண்ட குழு அமைக்கப்பட்டுள்ளது. ''தமிழ் இணையப் பல்கலைக்கழகம் சார்பில், இக்குழுவின் கூட்டங்கள் நடத்தப்பட்டு, இரண்டு மாதத்தில் இப்பிரச்னைக்கு தீர்வு காணப்படும். உலகத் தமிழ் செம்மொழி மாநாட்டிற்கு முன், கம்ப்யூட்டர் பயன்பாட்டிற்கான பொதுவான தமிழ் எழுத்துரு 'யுனிகோட்' தயாரிக்கப்பட்டு வெளியிடப்படும்'' என்றார்


source:dinamalar


--
www.thamilislam.co.cc

StumbleUpon.com Read more...
Related Posts with Thumbnails

Enter a long URL to make tiny:

தெரிவு செய்க thaminglish Bamini amudham Tam @Suratha Yarlvanan,Germany

  © Blogger templates Shiny by Ourblogtemplates.com 2008

Back to TOP