சமீபத்திய பதிவுகள்

சௌதியில் மதப்போலிசாரின் சில அதிகாரங்கள் குறைக்கப்படுகின்றன

>> Wednesday, October 3, 2012

சௌதி போலிஸ்

மதப்போலிஸாரின் நடவடிக்கைகள் மட்டுப்படுத்தப்படுகின்றன

சௌதி அரேபியாவில் மக்களின் கோபத்தைத் தூண்டியுள்ள, சௌதி மதப் போலிசாரின் சில அத்து மீறல்களைத் தடுக்க, அந்தப் போலிஸ் பிரிவினருக்கு புதிய நடைமுறை விதிகள் அறிமுகப்படுத்தப்படும் என்று அப்பிரிவின் தலைமைப் போலிஸ் அதிகாரி கூறினார்.

நன்னடத்தையை மேம்படுத்தவும் தீய நடத்தையை தடுக்கவுமான ஆணையம் என்று அதிகாரபூர்வமாக அறியப்படும் இந்த போலிஸ் அமைப்பிற்கு இருக்கும் சில அதிகாரங்கள் நாட்டின் பிற துறைகளுக்கு வழங்கப்படும் என்று இந்தப் பிரிவின் தலைவர் ஷேக் அப்துல் லத்தீப் அப்துல் அஸிஸ் அல் ஷேக் கூறினார்.


இளைஞர்களும், வயது வந்த ஆண்களும் குடும்பத்தினர் இல்லாமல் தனியாக பல்பொருள் அங்காடி மையங்களுக்கு செல்வதை போலிசார் தடுத்து வந்தனர். மக்களிடையே வெறுப்புணர்வை ஏற்படுத்திய இந்த நடவடிக்கையில் ஈடுபட வேண்டாமென்று போலிசார் கூறப்படுவர் என்று அவர் தெரிவித்தார்.


source:BBC


--
http://thamilislam.tk

StumbleUpon.com Read more...

பாலியல் தொழில் நடத்திய பெண் மசூதி வகுப்புக்கு செல்ல உத்தரவு

பாலியல் தொழில் நடத்திய பெண் மசூதி வகுப்புக்கு செல்ல உத்தரவு

பாலியல் தொழில் நடத்திய பெண் மசூதி வகுப்புக்கு செல்ல உத்தரவு

பாகிஸ்தானின் வடமேற்கு மாகாணத்தில் பாலியல் தொழில் விடுதி ஒன்றை நடத்தியதாக குற்றம்சாட்டப்பட்ட பெண் ஒருத்தியை, ஒரு மாத காலம் தினமும் மசூதிக்கு சென்று மத வகுப்புகளில் கலந்து கொண்டு , தன்னைத் தானே மேம்படுத்திக்கொள்ள வேண்டும் என்று நீதிபதி ஒருவர் உத்தரவிட்டிருக்கிறார்.

இந்தப் பெண்ணுக்கு ஜாமீன் வழங்கிய உத்தரவைப் பிறப்பிக்கையில், பெஷாவர் உயர்நீதிமன்றத் தலைமை நீதிபதி தோஸ்த் முகமது கான், அந்த உத்தரவின் ஒரு பகுதியாக இந்த நிபந்தனையை விதித்தார்.
இந்த ஒரு மாத கால "கல்வி" முடிந்தது, அந்தப் பெண் எந்த அளவுக்கு முன்னேற்றம் கண்டிருக்கிறார் என்பதைப் பற்றி ஒரு அறிக்கை தருமாறு, மசூதியின் இமாமை நீதிபதி கேட்டுக்கொண்டார்.

பாகிஸ்தானிய நீதிபதி ஒருவர், இவ்வாரு ஒரு குற்றம் சாட்டப்பட்டவருக்கு, ஆன்மிக ரீதியிலான சீர்திருத்தத் தண்டனை தருவது என்பது மிகவும் அபூர்வமானது என்றும், ஒரு வகையில் முன்னுதாரணமற்றது என்றும் நோக்கர்கள் கூறுகிறார்கள்.


source:BBC


--
http://thamilislam.tk

StumbleUpon.com Read more...
Newer Posts Older Posts Home
Related Posts with Thumbnails

Enter a long URL to make tiny:

தெரிவு செய்க thaminglish Bamini amudham Tam @Suratha Yarlvanan,Germany

  © Blogger templates Shiny by Ourblogtemplates.com 2008

Back to TOP