சமீபத்திய பதிவுகள்

12 சிக்சர் அடித்து மார்ஷல் சாதனை

>> Sunday, August 31, 2008

 
lankasri.comகனடாவுக்கு எதிரான ஒரு தின ஆட்டத்தில் 12 சிக்சர்கள் விளாசி சாதனை புரிந்தார் மேற்கிந்தியத் தீவுகள் வீரர் சேவியர் மார்ஷல்
கனடாவில் வெள்ளிக்கிழமை நடைபெற்ற ஆட்டத்தில் மேற்கிந்தியத் தீவுகள் அணி 50 ஓவர்களில் 4 விக்கெட் இழப்புக்கு 303 ரன்கள் எடுத்தது.

மேற்கிந்தியத் தீவுகளின் சேவியர் மார்ஷல் 118 பந்துகளில் 12 சிக்சர், 11 பவுண்டரிகளுடன் 157 ரன்கள் குவித்தார். ஒரு தின ஆட்டங்களில் மார்ஷல் அரை சதத்தைக் கடந்தது இதுவே முதல்முறை.

1996-ல் இலங்கையின் சனத் ஜயசூர்யவும், பாகிஸ்தானின் ஷாஹித் அப்ரிதியும் 11 சிக்சர்கள் அடித்ததே ஓர் ஆட்டத்தில் அதிக சிக்சருக்கான சாதனையாக இதுவரை இருந்தது.

தொடர்ந்து ஆடிய கனடாவும் சிறப்பாக விளையாடியது. இருப்பினும் 47.2 ஓவர்களில் 254 ரன்களுக்கு ஆட்டமிழந்தது. மேற்கிந்தியத் தீவுகள் 49 ரன்கள் வித்தியாசத்தில் வென்றது.

 

http://www.lankasrisports.com/index.php?subaction=showfull&id=1219555745&archive=&start_from=&ucat=4&

StumbleUpon.com Read more...

சிரஞ்சீவிக்கு சிக்கல் நீங்கியது

   
 
Imageஆந்திர மாநிலம் கடப்பா மாவட்டம் லக்கி ரெட்டிபாளையத்தை சேர்ந்தவர் வக்கீல் சென்ன கிருஷ்ணய்யா. இவர் கடப்பா மாவட்ட தெலுங்கு தேசம் தலைவராக இருந்து வந்தார்.
கடந்த மார்ச்மாதம் இவர் தேர்தல் கமிஷனில் பிரஜா ராஜ்யம் என்ற கட்சி பெயரை பதிவு செய்தார். பின்னர், தான் தொடங்கிய கட்சிக்கு ஒன்றிரண்டு நிர்வாகிகளை நியமித்து இருந்தார்.
இந் நிலையில் சிரஞ்சீவி சமீபத்தில் திருப்பதியில் நடந்த பிரமாண்ட பொதுக் கூட்டத்தில் தனது கட்சியின் பெயர் பிரஜா ராஜ்யம் என்று அறிவித்தார். இதை கேட்டதும் வக்கீல் சென்ன கிருஷ்ணய்யா அதிர்ச்சி அடைந்தார். உடனே இது பற்றி சிரஞ்சீவி கட்சி நிர்வாகிகளிடம் தெரிவித்தார். இதனால் சிரஞ்சீவி கட்சிக்கு பிரஜா ராஜ்யம் என்ற பெயர் வைப்பதில் சிக்கல் ஏற்பட்டது.
இதையடுத்து சென்ன கிருஷ்ணய்யாவை சிரஞ்சீவி கட்சியை சேர்ந்த முக்கிய நிர்வாகிகள் சந்தித்து பேசினர். அப்போது அவருக்கு கட்சியில் முக்கிய பதவி மற்றும் ராயகோட்டி சட்டசபை தொகுதியில் போட்டியிட டிக்கெட் தருவதாக உறுதி அளிக்கப்பட்டது. இதை ஏற்று சென்ன கிருஷ்ணய்யாதான் பதிவு செய்த பிரஜாராஜ்யம் கட்சி பெயரை வாபஸ் பெற முடிவு செய்தார்.
இதையடுத்து சிரஞ்சீவியிடம் நெருங்கிய நண்பர் வினய்குமார், சிரஞ்சீவியின் வக்கீல் பிரகலாதன் ஆகியோர் சென்ன கிருஷ்ணய்யாவை டெல்லியில் உள்ள தேர்தல் கமிஷன் அலுவலகத்திற்கு அழைத்து சென்றனர்.
பின்னர் அவர், தான் அங்கு பதிவு செய்த பிரஜாராஜ்யம் பெயரை வாபஸ் பெற்றார். இதையடுத்து சிரஞ்சீவி கட்சி பெயர் பிரஜா ராஜ்யத்துக்கு ஏற்பட்ட சிக்கல் நீங்கியது. இது பற்றி சென்ன கிருஷ்ணய்யா கூறும்போது, "சிரஞ்சீவி மக்கள் செல்வாக்கு மிகுந்தவர். ஏழை பங்காளன் அரசியலில் அவர் குற்றப் பின்னணி உள்ளவர்களை சேர்க்கமாட்டேன் என்று அறிவித்துள்ளார். இதன் மூலம் அவர் அரசியலில் உள்ள ரவுடிகளை ஒழிக்க முடிவு செய்துள்ளார்''.
எனவே அரசியலில் மாபெரும் மாற்றத்தை கொண்டு வர இருக்கும் சிரஞ்சீவிக்கு எனது ஆதரவை தெரிவிக்கும் வகையில் நான் பதிவு செய்த பிரஜாராஜ்யம் பெயரை வாபஸ் வாங்கி விட்டேன் என்றார்.

 

 

StumbleUpon.com Read more...

நரேந்திர மோடிக்கு விசா! அமெரிக்க அரசு மறுப்பு


அச்சடித்து எடுக்க மின் அஞ்சல் மூலம் அனுப்ப…

Imageகுஜராத் மாநில முதல்வர் நரேந்திர மோடிக்கு விசா கொடுக்க அமெரிக்க அரசு மறுத்துள்ளது.

 

அமெரிக்காவில் நடைபெறும் உலக குஜராத்தி மாநாட்டில் மோடி பங்கேற்பதாக உள்ளது. இந்த நிலையில் மோடிக்கு விசா வழங்கக்கூடாது என்று அமெரிக்காவில் உள்ள மனித உரிமை அமைப்புகள் எதிர்ப்புத் தெரிவித்துள்ளன. இந்த நிலையில், மோடிக்கு விசா வழங்கப்பட மாட்டாது என்று அமெரிக்க அரசு உறுதியாகத் தெரிவித்துள்ளது.

2002-ம் ஆண்டு குஜராத் மாநிலம் கோத்ராவில் முஸ்லிம்களுக்கு எதிரான கலவரத்தில் மோடிக்கு பங்குண்டு என்று கூறி அவருக்கு விசா மறுக்கப்பட்டுள்ளது. அமெரிக்க நாடாளுமன்ற உறுப்பினர் பெட்டி மால்கமுக்கு அந்நாட்டு வெளியுறவுத் துறை அமைச்சகம் எழுதிய கடிதத்தில் இது தெரிவிக்கப்பட்டுள்ளது.

இந்த வார இறுதியில் நியூஜெர்சியில் உலக குஜராத்தி மாநாடு நடைபெறுகிறது. இதில் கலந்து கொள்ள மோடிக்கு அழைப்பு விடுக்கப்பட்டுள்ளது.

குஜராத்தில் மனித உரிமைகள் மீறப்பட்டுள்ளன. எனவே நரேந்திர மோடிக்கு விசா கொடுக்கக் கூடாது என்று இதுவரை அமெரிக்க நாடாளுமன்ற உறுப்பினர்கள் 32 பேர் அந்நாட்டு அரசுக்கு கடிதம் எழுதி உள்ளனர். இந்த கடிதங்களுக்கு அமெரிக்க வெளியுறவு துணை அமைச்சர் மாத்யூ ரிய்னோல்ட்ஸ் பதில் கடிதம் அனுப்பி உள்ளார்.

அதில், உங்கள் கருத்துகளில் வெளியுறவுத் துறை அமைச்சகம் அதிக அக்கறை கொண்டுள்ளது. மோடி செய்துள்ள மனித உரிமை மீறல் செயல்களை நாங்கள் நன்றாகவே அறிந்து வைத்துள்ளோம் என்று அவர் கூறியுள்ளார்.

இதுவரை அவருக்கு விசா வழங்கப்படவில்லை. விசா கேட்டு விண்ணப்பம் வந்தாலும் விதிகளுக்குட்பட்டுதான் பரிசீலிப்போம் என்று அவர் கூறியுள்ளார்.


http://www.adhikaalai.com/index.php?/en/?????????/???????/????????-????????-????!????????-????-???????

StumbleUpon.com Read more...
Related Posts with Thumbnails
Enter a long URL to make tiny:

தெரிவு செய்க thaminglish Bamini amudham Tam @Suratha Yarlvanan,Germany

  © Blogger templates Shiny by Ourblogtemplates.com 2008

Back to TOP