சமீபத்திய பதிவுகள்

வேர்ட் டிப்ஸ்

>> Friday, June 4, 2010

 

டேபிளை மாறா நிலையில் அமைக்க:
பொதுவாக டேபிள் ஒன்றை வேர்ட் டாகுமெண்ட்டில் அமைத்த பின்னர், அதில் டேட்டா அதிகமாகும்போது, செல்கள் தானாகப் பெரிதாகி அட்ஜஸ்ட் செய்திடும் வகையில் அமைப்போம். ஒரு சிலருக்கு இது தேவையற்ற ஒன்றாகத் தெரியும். அவர்கள் தாங்கள் வைத்த அளவிலேயே டேபிளின் செல்கள், தொடர்ந்து அமைந்திருக்க வேண்டும் என விரும்பி, டேபிளின் அளவு மாறா நிலையிலேயே செட் செய்திட விரும்புவார்கள். இவர்களின் இந்த எண்ணம், நம் வசதியைச் சுருக்கும் என்றாலும், வேர்ட் இது போல டேபிளை முடக்கி வைக்க வழி தருகிறது. குறிப்பிட்ட சில செல்களை மட்டும் கூட, இது போல அளவு மாறாமல் வைத்திருக்கலாம். 
கீழே தரப்படும் நடவடிக்கைகள் வேர்ட் 97க்கானவை.
1.முதலில் நீங்கள் முடக்கி வைக்க விரும்பும் செல்களைத் தேர்ந்தெடுக்கவும். அனைத்து செல்களையும், அதாவது முழு டேபிளையும் மாறா நிலையில் அமைக்க வேண்டும் என்றால், முழு டேபிளையும் தேர்ந்தெடுக்கவும்.
2. அதன் பின் டேபிள் மெனு சென்று Cell Height and Width என்பதனைத் தேர்ந்தெடுக்கவும்.வேர்ட் உங்கள் டேபிளில் உள்ள செல்களின் அகலம் மற்றும் உயரம் எவ்வளவு என்று காட்டும். 
3. உயரம் எவ்வளவு இருக்க வேண்டும் என்பதனை Auto to Exactly என்பதில் அமைக்கலாம். இது அந்த டயலாக் பாக்ஸில் மேலாக உள்ள இடது மூலையில், கீழ் விரி மெனுவாகக் கிடைக்கும்.
4. இங்கு At  பீல்டில்படுக்கை வரிசைக்கான உயரத்தினை அமைக்கவும். இதனை புள்ளிகளில் அமைக்க வேண்டும். ஒரு அங்குலம் என்பது 72 புள்ளிகள் என்பதனை நினைவில் வைக்கவும். 
5. பின் ஓகே கிளிக் செய்து Cell Height and Width பிரிவை மூடவும்.
நீங்கள் வேர்ட் 2000 மற்றும் அதற்குப் பின் வந்த தொகுப்பினைப் பயன்படுத்துவதாக இருந்தால், கீழ்க்குறித்தபடி செயல்படவும்.
1. டேபிள் மெனுவிலிருந்து Properties  தேர்ந்தெடுக்கவும்.
2. வேர்ட் Table Properties டயலாக் பாக்ஸினைக் காட்டும். 
3. இங்கு Specify Height பாக்ஸைத் தேர்ந்தெடுக்கவும். பின்னர், படுக்கை வரிசைகளுக்கான (Row)  உயரத்தினை இறுதி செய்திடவும்.
4. Row Height Is என்ற கீழ்விரி மெனுவினைப் பயன்படுத்தி, அதில் Exactly என்பதனைத் தேர்ந்தெடுக்கவும். 
5. அடுத்து டேபிள் டேப்பிற்குச் செல்லவும். அங்கு கிடைக்கும் Options  பட்டனில் கிளிக் செய்திடவும். வேர்ட் Table Options டயலாக் பாக்ஸினைக் காட்டும். 
6. பின்னர் அங்கிருக்கும் Automatically Resize to Fit Contents என்ற செக் பாக்ஸில் டிக் அடையாளம் இருந்தால் எடுத்துவிடவும். 
7. அடுத்து Table Options  டயலாக் பாக்ஸை மூட ஓகே கிளிக் செய்திடவும்.
8. பின்னர் Table Properties டயலாக் பாக்ஸை மூட ஓகே கிளிக் செய்திடவும். 
மேலே கூறியவற்றில் 4 முதல் 6 வரையிலான செயல்களைச் சரியாக மேற்கொள்ள வேண்டும்.
டேபிள்: படுக்கை வரிசை பிரியாமல் இருக்க டேபிள்களை வேர்ட் டாகுமெண்ட்டில் அதிகம் பயன்படுத்துகிறோம். டேபிள் மிகப் பெரியதாக அமைக்கும் நிலையில், அதில் உள்ள படுக்கை வரிசை பிரிந்து அமைய வாய்ப்புகள் உண்டு. ஒரு பக்கத்தின் இறுதியில் கொஞ்சமும், அடுத்த பக்கத்தில் மிச்சமும் அமையும் படி ஒரு படுக்கை வரிசை அமையலாம். இது டேபிளின் அமைப்பை வித்தியாசமாகக் காட்டுவதுடன், அந்த வரிசையில் உள்ள டேட்டாக்களைத் தேடிக் கண்டறியும் சூழ்நிலையை உருவாக்கும். எனவே இது போன்று பிரிக்கப்படுவதனை நாம் விரும்ப மாட்டோம். அவை பிரிக்கப்படாமல் காட்டப்பட வேண்டும் என வேர்ட் தொகுப்பில் செட் செய்திடலாம்.
1. எந்த வரிசையினைப் பிரிக்காமல் வைத்திருக்க வேண்டும் என விரும்புகிறீர்களோ, அதனை முதலில் தேர்ந்தெடுக்கவும். 
2. டேபிள் மெனுவில் இருந்து செல் உயரம், அகலம் (Cell Height and Width)  சார்ந்த பிரிவைத் தேர்ந்தெடுக்கவும். இந்த டயலாக் பாக்ஸ் காட்டப்படும். 
3. இந்த டயலாக் பாக்ஸில் உள்ள Allow Row to Break Across Pages என்ற வரியின் முன் உள்ள டிக் அடையாளத்தை எடுத்துவிடவும்.
4. பின்னர் ஓகே கிளிக் செய்து வெளியேறவும்.
உங்களிடம் வேர்ட் 2000 அல்லது அதற்குப் பின் வந்த தொகுப்பு எனில் சற்று மாறுதலாக இதனை செட் செய்திட வேண்டும். 
1. முதலில் பிரிக்கக் கூடாத படுக்கை வரிசையினைத் தேர்ந்தெடுக்க வேண்டும். 
2. டேபிள் மெனுவிலிருந்து Table Properties தேர்ந்தெடுக்கவும். கிடைக்கும் டயலாக் பாக்ஸில் Row என்ற டேப்பைக் கிளிக் செய்திடவும். 
3. இதில் Allow Row to Break Across Pages என்ற இடத்தில் உள்ள செக் பாக்ஸை கிளியர் செய்திடவும். 
4. ஓகே கிளிக் செய்து வெளியேறவும்.
இதில் உங்களுக்கு ஒரு சந்தேகம் எழலாம். எந்த படுக்கை வரிசை பிரியப் போகிறது என்று முன் கூட்டியே நமக்குத் தெரியாது. இந்நிலையில் எப்படி அதனைத் தேர்ந்தெடுத்து அமைப்பது. அமைத்த பின்னர் வரிசையைத் தேர்ந்தெடுத்து, செட் செய்வது நேரம் எடுக்கும் செயல் அல்லவா? மேலும் மேலே உள்ள வரிசைகளில் டேட்டா கூடுதலாக அமைக்கும் நிலையில் கீழே உள்ள வரிசை பிரியலாம் அல்லவா? இந்த கேள்விகள் நமக்கு நிச்சயம் ஏற்படும். எனவே குறிப்பிட்ட படுக்கை வரிசைக்குப் பதிலாக, அனைத்து வரிசைகளையும் தேர்ந்தெடுத்து மேலே காட்டியபடி செட் செய்து விட்டால் எந்தப் பிரச்னையும் எழாது.
மாற்று வழியில் டேபிள்:
வேர்ட் சில பார்மட்டிங் பணிகளைத் தானாக மேற்கொள்ளும். இவற்றில் மிகவும் பயனுள்ள பணி + மற்றும் – (ப்ளஸ் மற்றும் ஹைபன்) அடையாளங்களைப் பயன்படுத்தி டேபிள்களை உருவாக்குவதுதான். ஒரு + அடையாளத்தை டைப் செய்து பின் சில ஹைபன் அடையாளத்தை டைப் செய்திடுங்கள். மீண்டும் + அடையாளம் டைப் செய்து மீண்டும் ஹைபன் அடையாளங்களை அமைத்திடுங்கள். பின் என்டர் தட்டினால் டேபிள் ரெடி. பின் இதனை வழக்கம்போல் டேபிளில் என்ன மாற்றங்கள் மற்றும் டேட்டாவை அமைப்பீர்களோ அதே போல் அமைத்துக் கொள்ளலம்.
டேஷ் கோடாக மாறாமல் இருக்க:
வேர்டில் டேஷ் கோடு மூன்றை டைப் செய்தால் வேர்ட் உடனே அதனை பெரிய திக்கான கோடாக மாற்றி விடும். இதனை நீக்கும் வழியும் உடனே கிடைக்காது. இந்த செயல்பாடு வேர்ட் புரோகிராமில் பதியப்படும்போதே அமைக்கப்பட்டு விடுகிறது. இதனை நீக்க Format | Borders and Shading என்று செல்லவும். பின் Bordersடேப்பில் கிளிக் செய்து None  என்பதைத் தேர்ந்தெடுத்து ஓகே கிளிக் செய்து வெளியே வரவும்.


source:dinamalar

--
http://thamilislam.tk

StumbleUpon.com Read more...

மொபைல் பயன்படுத்தினால் ஆபத்து வருமா?

புதுடில்லி : தொடர்ந்து மொபைல் போன் பயன்படுத்தினால், புற்றுநோய் உள்ளிட்ட கொடிய நோய்கள் வருவதற்கு வாய்ப்புகள் அதிகம் உள்ளதாக, கடந்த பல ஆண்டுகளாக நடந்துவரும் ஆய்வுகள் தெரிவித்தன. ஆனால், அதற்கு ஆதரவாக சரியான கருத்துகளை விஞ்ஞானிகளால் இன்னமும் முடிவு செய்ய இயலவில்லை.



கடந்த 2009ம் ஆண்டு முடிவில் உலகம் முழுவதும், 46 லட்சம் மொபைல் போன்கள் பயன்பாட்டில் இருந்ததாக சர்வதேச தகவல் தொடர்பு ஆணையம் கூறியுள்ளது. இந்த எண்ணிக்தை தற்போது பன்மடங்கு அதிகரித்திருக்கிறது. அதே போன்று இதை பயன்படுத்துவதால் ஏற்படும் பாதிப்புகள் குறித்தும் ஆய்வுகள் மேற்கொள்ளப்பட்டு வருகின்றன.



பொதுவாக மொபைலை அதிகளவில் பயன்படுத்தும் பெண்களுக்கு மாதவிலக்கு தொடர்பான கோளாறுகளும், ஆண்களுக்கு உயிர் அணு உற்பத்தி குறைபாடுகளும் ஏற்படும் என்று மருத்துவ விஞ்ஞானிகள் எச்சரித்து வருகின்றனர். மேலும், புற்றுநோய் போன்ற கொடிய நோய்களும் ஏற்படுவதற்கு வாய்ப்பு உள்ளதாக கூறி வருகின்றனர். இது தொடர்பான ஆய்வுகள் கடந்த 10 ஆண்டுகளாக அதிகளவில் சர்வதேச அளவில் நடந்து வருகின்றன. இந்த ஆய்வுகள் அனைத்திலுமே எதிர்மறையான முடிவுகளே கிடைத்திருக்கின்றன. பத்தாண்டுகளுக்கும் மேலாக தொடர்ந்து மொபைல் போன் பயன்படுத்துபவர்களுக்கு இரண்டுவிதமான புற்று நோய் வர வாய்ப்புள்ளதாக சர்வதேச புற்றுநோய் ஆய்வுக்கழகம் தெரிவித்துள்ளது. இதில், மூளைப்பகுதியில் ஏற்படும், "மெனிஞ்சியோமா' புற்றுநோய்க் கட்டிக்கு வாய்ப்பு என்று கூறப்பட்டது. அதிலும் மோசமான புற்று நோய்க்கட்டி ஏற்படும் என்று எச்சரித்ததும் உண்டு.



பார்சிலோனாவைச் சேர்ந்த மருத்துவ விஞ்ஞானி எலிசபெத் கார்டிஸ் கூறுகையில், "மொபைல் பயன்படுத்துவதால், வாழ்க்கைக்கு வளம் சேர்க்கலாம். ஆனால், உடல் நலத்திற்கு தீங்கு ஏற்படுவதை தவிர்க்க முடியாது. குறைந்த அளவில் பயன்படுத்தினாலும், பாதிப்பு ஏற்படாது என்று உறுதியாக கூற முடியாது' என்று தெரிவித்துள்ளார். மொபைல் பாதிப்பு தொடர்பாக, கடந்த மாதம் 13 நாடுகளைச் சேர்ந்த 12 ஆயிரத்திற்கும் மேற்பட்டோரிடம் ஆய்வு மேற்கொள்ளப்பட்டது.



தற்போது வரும் மொபைல் போன்களில் எப்.எம்., ரேடியோ மற்றும் "டிவி'யும் உள்ளது. இதற்கு ஆன்டெனாவாக பயன்படுபவை அதில் உள்ள, "இயர் போன்' தான். ரேடியோ மற்றும் "டிவி'யில் இருந்து வரும் வானொலி அலைகள் மிகக்குறைந்த திறன் கொண்டதாயினும், அவை மனித உடலுக்கு தீங்கு இழைக்கக் கூடியதாகும். இத்தகைய ஆன்டெனாக்கள் மனித உடலிலிருந்து குறைந்தபட்சம் 40 செ.மீ., தூரத்திலாவது இருக்க வேண்டும். ஆனால், மொபைல் போன் எப்.எம்., கேட்கும் ஒருவர் "இயர் போனை' காதில் வைத்தவாறு கேட்கிறார். நாளடைவில், அது அவருக்கு மிகப்பெரிய பாதிப்பை ஏற்படுத்தும் என்று உலக சுகாதார ஆய்வு நிறுவனம் தெரிவித்துள்ளது. இவை மட்டுமல்லாது, மொபைல் போன்களை விமானம் மற்றும் மருத்துவமனைகளிலும் பயன்படுத்த தடை விதிக்கப்பட்டுள்ளது. காரணம், அதிலிருந்து வரும் மின் காந்த அலைகள் விமானத்தில் உள்ள நுண்ணிய இயந்திரங்களையும் பழுதாக்கிவிடும் தன்மை கொண்டதாகும். மருத்துவமனைகளிலும், அங்குள்ள மருத்துவ சாதனங்களுக்கு இடைஞ்சல் ஏற்படுத்தக்கூடியதாகும். ஆனால் இவைகளுக்கு ஆதாரமாக பத்தாண்டுகள் அல்லது அதேமாதிரி தொடர்ந்து சோதனைகள் செய்து உறுதிப்படுத்த முடியவில்லை என்பதை விஞ்ஞானிகள் ஒப்புக் கொள்கின்றனர்.


source:dinamalar
--
http://thamilislam.tk

StumbleUpon.com Read more...

இந்த வார இணையதளம்


சயின்ஸ் ஸ்நாக்ஸ்
தலைப்பு சற்று வேடிக்கையாக உள்ளதா? இணையத்தில் உலா வருகையில் நானும் இதனைப் பார்த்து வியந்து உள்ளே சென்றேன். பின்னர் தான் தெரிந்தது, அங்கு உள்ள செய்திகள் மற்றும் தகவல்கள் அனைத்தும் மூளைக்கு தீனி (ஸ்நாக்ஸ்) போடும் அறிவியல் சமாச்சாரங்கள் என்று. மிக அற்புதமான பயனுள்ள இந்த தளத்தினை நாம் அனைவரும் தெரிந்து கொண்டு பயன்படுத்த வேண்டும். 
நாம் அன்றாடம் பார்க்கும் சில சாதாரண விஷயங்கள் குறித்து அவ்வளவாகச் சிந்திப்பதில்லை. ஆகாயம் ஏன் நீல நிறமாக இருக்கிறது? சூரியன் உதயம் மற்றும் அஸ்தமனம் ஏன் சிகப்பாக உள்ளது? பிளாஷ் லைட் எரிந்து அணைந்த பின்னர் அதன் இமேஜ் ஏன் நம் கண்கள் முன் தொடர்ந்து சில விநாடிகளுக்குத் தெரிகிறது? இரண்டு உதடுகளுக்கு இடையில் ஏன் சத்தம் வருகிறது?
இது போன்ற சாதாரண விஷயங்களுக்கு நாம் விளக்கங்களைத் தேடி எங்கு செல்வது? பல இணைய தளங்கள் இருந்தாலும்,http://www.exploratorium.edu/ snacks/index.html என்ற முகவரியில் உள்ள தளம், இந்த கேள்விகளுக்கு நல்ல விளக்கத்தினைத் தருகிறது. இது போன்ற பல விஷயங்கள் இதில் மிகவும் எளிமையாகவும், அனைத்து தகவல்களுடனும் தரப்பட்டுள்ளன.
தளத்தில் நுழைந்தவுடன் இரண்டு வரிசைகளில், மேலே காட்டப்பட்டிருப்பது போன்ற விஷயங்கள் தரப்பட்டுள்ளன. அவற்றைத் தேடி, நாம் விரும்புவதைக் கிளிக் செய்தால், அங்கு நம் கேள்விக்கான விடை தரப்படுவதுடன், எளிய பொருட்கள் மூலம் எப்படி அவற்றை விளக்கலாம் என்றும் காட்டப்படுகிறது. இது தான் இந்த தளத்தின் சிறப்பு. Instructions, Advice, and Helpful hints  என மூன்று பிரிவுகளில் இவை தரப்படுகின்றன. நீங்கள் பள்ளியிலோ அல்லது கல்லூரியிலோ படித்துக் கொண்டிருக்க வேண்டியதில்லை. இதில் உள்ள எளிய செயல்பாட்டினை மேற்கொண்டால் போதும். விஷயங்கள் தெளிவாகும்.
தளத்தின் முகப்பு பக்கத்தில் சயின்ஸ் ஸ்நாக்ஸ் மூன்று பிரிவுகளாகத் தரப்பட்டுள்ளன. Science by Subject, Snack supplies, Snacks from az  என இவை உள்ளன. முதல் பிரிவில் கெமிஸ்ட்ரி, கலர், மின்சாரம் எனத் தொடங்கி, பாடப்பிரிவுகள் பதினாறு பெரிய பிரிவுகளில் தரப்பட்டுள்ளன. இவற்றைக் கிளிக் செய்தாலும் நாம் தேடும் தகவல்கள் கிடைக்கும். அறிவியலை மிக எளிதாகவும், விளக்கமாகவும் தரும் இந்த தளம், நாம் அடிக்கடி சென்று படித்து வர வேண்டிய ஒரு தளமாகும்.


source:dinamalar

--
http://thamilislam.tk

StumbleUpon.com Read more...
Related Posts with Thumbnails
Enter a long URL to make tiny:

தெரிவு செய்க thaminglish Bamini amudham Tam @Suratha Yarlvanan,Germany

  © Blogger templates Shiny by Ourblogtemplates.com 2008

Back to TOP