சமீபத்திய பதிவுகள்

ஐதராபாத்தில் குண்டு வைத்த தீவிரவாதிகள் தலைவன் பிலால் சுட்டுக்கொலை

>> Thursday, June 5, 2008

 

புதுடெல்லி, ஜுன். 3-

ஐதராபாத்தில் உள்ள மெக்கா மசூதியில் கடந்த ஆண்டு மே மாதம் குண்டு வெடித்தது. அதன்பிறகு ஆகஸ்டு மாதம் தியேட்டர், ஓட்டல் ஆகியவற்றில் குண்டு வெடித்தது. 2 குண்டு வெடிப்பு சம்பவத்திலும் பலர் பலியானார்கள்.

இந்த குண்டு வெடிப்பை நடத்தியது வங்காளதேசத்தை தலைமையிடமாக கொண்டு செயல்பட்டு வரும் `ஹுஜி' இயக்கம் என்று தெரியவந்தது. இதன் இந்திய தலைவராக ஷாகித் பிலால் என்பவன் செயல்பட்டு வந்தான். இவன் ஐதராபாத்தை சேர்ந்தவன். சிறுவயதிலேயே தீவிரவாத இயக்கத்தில் சேர்ந்து சில சதி வேலைகளில் ஈடுபட்டு வந்தான்.

போலீசார் பிலாலின் கூட்டாளிகள் சிலரை கைது செய்தனர். பிலாலை மட்டும் பிடிக்க முடியவில்லை.

ஆனால் பிலால் வேறு ஒரு சம்பவத்தில் சுட்டுக் கொல்லப்பட்டு விட்டான் என்று இப்போது தகவல் வெளியாகி உள்ளது.

ஐதராபாத் தியேட்டர் குண்டு வெடிப்பு நடந்து 5 நாள் கழித்து ஆகஸ்டு 30-ந்தேதி அவன் கொல்லப்பட்டு விட்டதாக அந்த தகவல் தெரிவிக்கிறது.

அப்போது அவன் பாகிஸ் தானில் உள்ள கராச்சி நகரில் தங்கி இருந்தான். அங்கு முகமூடி அணிந்து வந்த மர்ம மனிதன் ஒருவன் பிலாலை துப்பாக்கியால் சுட்டுக்கொன்றான். அவ னது அண்ணன் சமாத் என் பவனையும் அந்த மர்ம மனி தன் சுட்டு வீழ்த்தினான்.

இந்த தகவல் இந்திய உளவுத்துறையான `ரா' மற்றும் `ஐ.பி.' ஆகியவற்றுக்கு கிடைத்துள்ளது.

இந்திய உளவுத்துறையினர் `ஹுஜி' தீவிரவாதிகளின் டெலிபோன், இண்டர்நெட் பேச்சுக்களை கண்காணித்தபோது இந்த தகவல் கிடைத்ததாக கூறியுள்ளது. இண்டர்நெட் மூலம் அனுப்பப்பட்ட பிலால் உடலின் படமும் கிடைத்து உள்ளது. அதில் அவனது தலையில் பல இடங்களில் குண்டு பாய்ந்து இருந்தன.

இதுபற்றி ஐதராபாத் போலீஸ் கமிஷனர் பிரசாத் ராவிடம் கேட்டபோது "எங்களுக்கும் இந்த தகவல் கிடைத்தது. ஆனால் இறந்தது பிலால் தானாப என்பதை அவர்கள் குடும்பத்தினர் மூலம் உறுதி செய்ய முடியவில்லை'' என்றார். பிலாலின் தந்தை, தாயார், சகோதரி ஆகியோர் ஐதரா பாத்தில் வசிக்கின்றனர்.
 
 

NewsPaanai.com Tamil News Sharing Site

Related Posts with Thumbnails

0 கருத்துரைகள்:

Related Posts with Thumbnails

Enter a long URL to make tiny:

தெரிவு செய்க thaminglish Bamini amudham Tam @Suratha Yarlvanan,Germany

  © Blogger templates Shiny by Ourblogtemplates.com 2008

Back to TOP